Korsou, 5 di yanüari 2012

Na: Minister-presidente di Korsou

Sr. Gerrit Schotte

Fort  Amsterdam # 17

Presente.

Topiko: Nombramentu  nan ku a sali den publisidat

Apresiabel Minister- Presidènt,

Suskrito, miembro di Parlamento i lider di frakshon di Pueblo Soberano, a base di

lokual a sali den publisidat pa loke ta nombramentunan, ta aserka bo persona

konforme artíkulo 96 di Reglamentu di Òrdu di Parlamento di Korsou ku e siguiente

preguntanan:

1. Ta bèrdat ku a ekstendé e kòntrakt di Sr. Rudolph Garmes, ruman di un

Parlamentario, komo Direktor Interino na Refineria di Korsou N.V., despues

ku a nombr’é einan sin ku ta tin solisitut?

2. Sr, Rudolph Garmes ta un akadémiko, esta e ta disponé di e papelnan

nesesario pa por ehersé e funshon di Direktor na Refineria di Korsou N.V,?

3. Ta bèrdat ku a nombra un kompania pa traha komo ‘sekretariado’ di hunta di

komisario di Refineria di Korsou N.V., e.o. enkargá ku trahamentu di

notulá nan kontra pago di 14 mil florin pa luna?

4. Ta trata aki di trabou ku otro persona (df kompania) tabata hasi kaba?

5. Ta bèrdat ku na Refineria di Korsou N.V. ta bai nombra dia 1di febrüari awor

un persona ku un salario di 14.500 florin pa luna pa hasi un trabou ku otro

persona ta(bata) hasi kaba? Read the rest of this entry »

A lot of facebook users cannot use  Facebook for the last 4 days in Curacao. My question  is : is this a prlobem in the whole world, or is this problem a Guracao problem? Please advise.

MI TA GRADISI TUR GACHITU FRIENDS KU A HASI USO DI E WEBSITE AKI, I NOS TA SIGUI LUCHA PA KONTRIBUI NA UN KOMUNIDAT MUCHU MAS SANO KU E TA AWOR AKI. mI TA DESEA BOSO I BOSO FAMILIANAN UN FELIS PASKU I UN PROSPERO ANJA 2012. lO MI KONTA RIBA BOSO SOSTEN.

KORSOU TA PASA DEN UN SITUASHON HOPI DIFISIL PERO NOS NO TA PERDE E SPERANSA.

Pa mas ku dos aña kaba a base di e insidentenan ku ta pasa riba tereno di Isla tin falta di guia i disiplina operashon.  Tambe tin falta di struktura nan konosí si mester pasa un Kalamidat.

Di parti di Refineria Korsou komo esnan yama pa kontrolá kiko ta pasa riba e tereno di refineria Isla ta laga hopi di deseá , pasombra Refineria Korsou  ta dependé di e klima polítiko pa nan aktua pa no daña e relashon entre Refineria Isla i Gobiernu.

Pa loke ta e Ministerio di salu, no tin un hefe adekuá na  kabes di e departamentu Ambiental pa duna informashon ora tin kualkier insidente: E departamentu aki ta funshoná manera un agensia  funerario, e ta drenta den akshon ora e insidente kaba di pasa sin ningun resultado.

No ta konosí kual Minister ta dirèkt responsabel pa loke ta pasa riba e refineria. Tin biaha Minister Schotte ta papia,tin biaha ta Sra. Minister Constansia, ku otro palabra bo no sa ken ta responsabel pa kiko.

E situashon ariba menshoná ta pone ku ora un kos pasa riba e refineria bo no sa kua Minister  ta responsabel ku ta un situashon hopi grave.  Imaginá bo si un insidente grandi sosodé. E loke ku a sosodé djaweps mardugá ,kaminda gasolin a basha den kanal di awa bai Valentijn oilcather  pa di 3 biaha a pasa e aña aki  atrobe e relashonista públiko di refineria ta bin pidi despensa i pasa over pa otro insidente, te dia un sumami grandi pasa riba e tereno di Isla. Read the rest of this entry »

MSI: DR. ASDRUBAL CHAVEZ  

NO MAS MORTO, NO MAS POLUSHON,
NO MAS INTERVISHON DI VENEZUELA/PDVSA  DEN POLITIKA LOKAL DI KÒRSOU.

 

Venezuela un Pais soberano  Sosialista dirigí pa un hòmber fuerte  Presidente Chavez i ku su meta prinsipal ta pa sali pa su hendenan mas marginá, ta trata Kòrsou ku un man duru neo liberal chikando e isla chikitu aki na tur manera.
E multinashonal ta poniendo hopi preshon riba Fòrti pues riba e Pais Kòrsou tratando di pone e isla riba rudia ku akshonnan ku ta sali for di Refineria Isla pa yegá na e poder polítiko na e isla. Na e momentu aki por bisa ku e sede di Gobièrnu ta den Emmastad.

Tristu pero bèrdat ku durante e 26 aña di PDVSA na Kòrsou a nifiká Fustrashon, Amargura, Pobresa pa Kòrsou pasombra tur ingreso a bai pa PDVSA pa medio di e hür  kontrakt firmá na aña 1985. Tur e sèn ku a haña di hür mester a bai bèk den plantanan pa tene e refineria riba pia.

Falta di kurashi, vishon di tur gobièrnunan di turno ku a sakrifiká salú i bida di hendenan sin defensa, pa sirbi interes di Venezuela/PDVSA ku ta propagá su mes (de la boca para’fuera) komo un Pais Sosialista.

Durante e 26 aña ku a pasa Venezuela/PDVSA a proba su mes ku no por konfia den su palabrashon, i a probechá di Kòrsou, stroba desaroyonan ekonómiko pasombra e ta un multinashonal  ku ta kontribuí ku 6-8% di GNP di Kòrsou.

Durante e 26 aña, despues di tur promesa di invershon i mantenshon di e Refineria a resultá ku mantenshon di e Refineria a bai atras di tal manera ku trahadó i kontratistanan den Refineria ta sinti ku nan ta traha den un lugá peligroso i ku seguridat ta te na suela ku tur su konsekuensianan, pasombra Refineria Kòrsou ku mester a kontrolá pa órden di gobièrnu nunka a hasié.

E Refineria ta den un kondishon ku e ta un molèster grandi pa e poblashon pabou di e Refineria ku frekuensia haltu di shutdown , i un kantidat grandi di polushon di aire,  tera i  laman, i e no ta rendabel mas kompará ke e molèster ku e ta okashoná nos komunidat.

Un di e motibunan prinsipal pa a sera kontrakt ku PDVSA tabata pa konservá e kuponan di trabou ku a baha di 1600 te na 900. PDVSA den 26 aña a logra di kita tur kontratistanan grandi i pasa nan pa kontratista Venesolano, i awor trahadó yunan di Kòrsou a pèrdè trabou pasombra ta remplasá nan ku Venesolano pasombra PDVSA ta un kompania estatal i Venesolano ta bai promé i yunan di Kòrsou ta bini despues.

Direktor di Refineria Isla ta mas na Venezuela ku e ta na Kòrsou i ora e ta na Kòrsou bo no ta mir’é pasombra semper ta e yunan di Kòrsou  ta bin defendé su pensamentu, i kiko ku wòrdu puntra di mas nunka nan no por respondé.

For di aña pasa ora Gabinete Schotte a sinta a bini un kambio grandi pa ku e trato di PDVSA. Promé Minister sin buska drechi a manda un karta pa laga organisashonnan di medio Ambiente komprondé ku e Refineria no ta surpasá norma, i ku a resultá ku luna pasa korte a obligá gobièrnu pa manda un karta pa PDVSA pa tene su mes na norma kontra un but, si esei no sosodé. Read the rest of this entry »