UN REDENERING KU TA SER TENDÉ HOPI
Pueblo a vota pa un kambio i ku yudansa di ‘swing-voters’ politikonan, no pueblo, a logra di hinka un koalishon den otro ku varios persona den nos sosiedat no ta kontentu ku ne.
Huntu ku e koalishon aki tin hende ku ke karga ku e mal gobernashon aki, pasombra nan no ke e alternativa ku ta e “zogenaamd” regreso di PAR.
Pa nan: asina e ta, i asina e ta bai keda voorlopig.
———————————————
Den e logika aki no ta puntra si tin “Bad Apples” batatanan putri den e partidonan na mando aworaki. AKI TA LUBIDA KUMBINIENTEMENTE KU “SCREENING” NO A SOSODE KOREKTAMENTE.
Pa ami un kos ta duidelijk despues di e ultimo informashon i datos ku ta saliendo na kla pa loke ta V.N.A. ku awor a bira Veiligheids Dienst Curacao.
MESTER BIN ELEKSHON NOBO.
Ku tur partidonan tin “bad apples” ta esei ta e realidat pa ya mas ku 56 anya kaba di historia demokratiko di Korsou.
E MOTIBU PAKIKO MESTER BIN ELEKSHON NOBO ta pasombra e koalishon spesifiko aki ta kibrando:
- e fibra di tantu nos Nashon-Estado (nos sistema demokratiko).
- Ku nan sistemanan diktatorial i
- falta di desensia i
- tambe ku ke baha nos norma i balornan pa loke ta gobernashon (deliberadamente i strukturalmente ninga screening di prospekto ministernan, no pone un sistema di screening alternativa i asina baha e garantia pa loke ta kalidat haltu i integro di gobernashon despues di 10 10 10. Pueblo tabata spera, tabata tin un speransa haltu, netamente di un mehoro den kalidat di gobernashon den e era nobo despues di 10 10 10.
Pues elekshon mester bin mas lihe posibel, no paso primordialmente e gobiernu ta malu.
Pero pasombra nan
- ke saka nos for di reino i
- mina e reglanan di demokrasia di e pais aki. Esaki ta e motivashon, nada mas nada menos PUNTO.
Kosnan ku ta pasando aworaki no tin nada ke ber ku un par di “bad apples”.
Tantu e Gobiernu (raad van Ministers) tin batata putri aden. Pero loke ta mas pio ta ku esnan ku a ser elegi (e 21 paralamentarionan) pa kontrolá e ministernan
- no por hasi nan funshon, no ta apto óf ta di mala fe i ta laga gobienu aki sigui “modder aan” i “bully” i pleita ku tur e otro partnernan den Reino i ku tur hende na Korsou.
Mi ta teniendo mi Kurason awor ku mas i mas ta bin resulta ku STATEN TAMPOKO NO TA FUNSHONANDO EFEKTIVAMENTE.
Pa logra kambia e rumbo sumamente negativo aki den e gobernashon nobo aki di nos Dushi Korsou mester bin protesta masal di Pueblo (e poder maximo di e Pais aki) pa DESOLVE STATEN I SCHRIJFUIT ELEKSHON NOBO.
Mester kambia tantu e team legislado komo e Team ehekutivo pa kambia e rumbo negativo ku e pais a drenta aden.
Biaha pasá e pueblo a vota pa kambio pero mi ta duda ku ta e tipo di kambio aki nan ke’ra mira.
Korupshon i kosnan malu den pasado, nunka a trata di mina e sistema, nan tabata hasi maluso di buraku den lei etc. Pero no mina un VDC, bringa kompetensia dem komersio selektivamente ku bringamentu di FUNMILES pasombra un sponsor di partido ke. Mi no ta kere ku e mayoria di votado ke sali for di Reino ni herschrijf nos demokrasia pa sirbi vriendjes. MESTER BIN ELEKSHON MAS LIHE POSIBEL, ku loketin den kashaka politiko aworaki.
Si un partido ke hasi outolimpiesa ta di aplaudi, pero no nesesario pa e urgensia di schrijfuit elekshon nobo si por promé ku JUNI, 2012.
NO POR WARDA 2014. BIN MASALMENTE, MUSTRA BO DISGUSTO DJALUNA AWOR, 5 di MART, NA SSK, ATARDI.
