Kerido lesadó, e motibu di e website aki a bira realidat pasombra na diferente okashon mi a haña hopi reakshon riba e artíkulonan ku mi ta skirbi, i tin biaha mi ta haña e petishon pa manda un kopia pa e persona, i ku tin a sugerí mi pa tin un website kaminda nan por haña e artíkulonan. Ta mi intenshon pa pone tur e artíkulo riba website ku mi ta haña ta bal la pena.Danki pa a lesa mi intenshon i mi ta spera riba tur reakshon posibel riba e artíkulonan.

CURRICULUM VITAE

Mi nòmber ta Edgar Andres Leito, nasé dia 6 yanüari 1937, na charo pa kuartu pasa di tres di atardi. Mi a biba na Charo, Domi Otrobanda I Pietersteeg na Otrobanda bisiña di Nicho Hurtado, I por último na Mahuma te na mi edat di 21 aña , pa despues biba den un apartamentu te ku e edat di 34 aña kaminda mi a kasa.

Mi a bai skol di St. Vicent College na porta di hospital, I despues Willem de Zwijger na klipstraat , I despues beroepskol na Rio Canario pa 3 aña. Na 1954 mi a kaba beroepskol bai traha na Isla komo operador di planta.

Na aña 1965 mi a bira Amployé di Isla komo hefe di planta na Cat cracker. Na aña 1972 te ku 1974 mi bira hefe di departamentu di Bombero di Isla I mi a haña mi training na Liverpool Inglatera, Hulanda I Merka na Texas E & M University.

Durante mi karera na Brantwer mi a reorganisá hinter e kuerpo di Brantwer I train tur staf di Isla.Mi a lanta e kuerpo di Bombero boluntario di Isla ku tin awor aki 31 anja.Despues di Brantwer mi a traha na Hulanda na Pernis enkarga ku awa sushi di e rafinaderia.

Na 1976 mi a traha komo konsehero di medioambiente I despues mi a bira hefe di e parti operashonal di medio Ambiente. Na aña 1982 mi tabata un di e fundador I tesorero di e asosiashon di Èmployénan di Kòrsou.(Aseck),

Na aña 1993 mi ta fundador I Presidente di Asosiashon di Empresarionan Chikí di Kòrsou, I tambe un di e fundador nan di partido Par na 1994 i partido Ban Vota na ana 2005. Mi hòbi ta fotografia I pa hopi tempu mi tabata den direktiva di Camera Club.

Mi tabata saka portrèt tur dia pa kasi 20 aña.Mi a dirigí tènis klup di Asiento pa seis aña komo wedstrijdleider, I mi a duna lès di tènis na muchanan chikitu prodeo na Suveck I Tamarijn.

Na 1984 mi a kuminsá traha un kompleho di rekreo i tènis na Zapateer, pero komo Shell a bai e proyekto a para .I mi a habri un likor Store/ Western Union, Postkantoor  na Rondeklip ku tin 22 aña.

Na 1994 mi a bira Parlamentario pa Partido Par te na 1998, I na 2001 mi a bira miembro di partido C93 sostene  e struktura Estatal pa bira un Overzeese Gemeente Hulandes  (23%) i  na 2006 komo  un di e Fundador di  partido Ban Vota. Yanüari 2007 Edmy Likor store a sera pa motibu di Seguridat .Na 2008, 4 yuni e fundashon ” Movementu Solushon Isla ” a mira lus di dia bou di direkshon di Sr. Edgar Leito, Presidente i Andres Casimiri komo Secretario/Tesorero. Aktualmente mi ta Komisario di Selikor i tambe miembro di direktiva di Kamara di Komersio..

Edgar Andres Leito

Kaya tai tai  11C Janthiel oost  – Cell: 5231930,   Kas; 7373739 – Email. leito@ gachitu.com. Website www.gachitu.com. Radio: Gachitu Online Gollllllll.  APP. 5223335