PUEBLO SOBERANO A LAGA ROSARIO,DAVELAAR I SULVARAN KEDA SINTA MANERA BONBOKATI.

Pueblo di Korsou “Lanta Ariba” si pueblo di Wishi, Marchena ,Veeris ta kere ku gobièrnu di Korsou tin su problema nan na pechu ta ovio pa mira ku partido nan manera MFK, PS, Man nan úniko meta nan ta pa haña mas poder sin tene na kuenta ku otro partidonan ku ta sostennan.
Sr. Cleopa ta e úniko parlamentario ku a vosivera su pensamentu ku pueblo por a komprondé ta kiko a pasa.
Den pueblo hopi hende a keda sorprendí ku Rosaria no a sali dilanti i kondena e hasi di pueblo Soberano, i tuma akshon pasombra den pueblo hopi ta haña ku Pueblo Soberano a hasi un kos di shouru ku Rosario, Davelaar i Sulvaran.
E hecho ku no a tende nada di Rosario,Davelaar i Sulvaran tambe a keda hopi un sorpresa.
Pueblo un biaha mas ta víktima di partidonan manera MFK,PS, Man ku nan úniko meta ta pa hasi Korsou independiente kontra tur reglanan eksistente pa pone kriminalnan riba puestonan kardinal kaminda ningun hende no tin nada di bisa nan na fabor di nan kompinchinan. Hopi ta di opinion ku tabata un bon momentu pa Rosaria a laga mira loke e ta pretendé.
Ta di spera ku Davelaar i Sulvaran a bini bij.
Edgar leito, tel 5231930, 23-10-2014.

LAGA PUEBLO DISIDI DEN UN REFERENDUM DESTINU DI REFINERIA ISLA.  

For di aña 1970 Gobièrnu ku signatura di Partido Nashonal tabata konsiente ku no por sigui ku e operashon di e Rafinaderia manera e tabata teniendo na kuenta e daño ku e Rafinaderia ta kousa na e salú di tur e hendenan ku ta biba den bario nan  pabou di e Rafinaderia.

Na aña 1979 e Gobièrnu ku signatura di Partido Nashonal bou di preshon di e bario nan di Wishi i Marchena a pone preshon riba Gerensia di e Rafinaderia Isla (Shell) pa tuma medida pa remediá e situashon. Gerente di Rafinaderia Isla (Shell) den un tempu relativo kòrtiku a invertí den diferente instalashon ku a kondusí pa remediá e situashon un poko. Den aña 1980-1985 a bini aserka ku preis di krudo a kuminsá kai i Venezuela a ninga di baha su preis di krudo  ku a forsa Shell pa tuma un desishon.

Shell na su turno ku tabata  sinta ku e problema di polushon di e Rafinaderia bou di preshon di Gobièrnu,Venezuela no kier baha preis di krudo,merkado di produkto nan tabata suak, gastu nan di operashon di Rafinaderia tabata haltu, i pa Shell sigui riba su standard e mester a disidí pa kasi traha un Rafinaderia nobo pa e kumpli ku su obligashon a disidí na sera e Rafinaderia na 1985.

Na 1985 Venezuela a ninga di baha preis di krudo pa Shell i obligá Shell na sera e Rafinaderia, pa PDVSA ku bendishon di Gobièrnu pa haña un sweetdeal ku nos ta pega ku ñe te awe despues di 29anja. Ta p’esei Gobièrnu ta labiel den su posishon pa obligá PDVSA kumpli. Gobièrnu a sakrifiká salu di su hendenan pa PDVSA bin ópera e Rafinaderia i awor Gobièrnu ta haña e kuenta presentá.

Gobièrnu ku signatura di Partido Nashonal a laga e eksigishon di polushon kai, ku otro palabra sakrifiká salu di míles di hende pa tene e rafinaderia habri bou di e kapa pa evitá un krísis ekonómiko ku te awe no a drecha.

Gobièrnu ku signatura Partido Nashonal kontra tur konseho a akordá un sweetdeal  ku PDVSA , pa traha un BOO ku plaka di komunidat di 800 mion ku a tuma 10 aña di preparashon i ku koriente lo baha pa resultá na kaminda ku mester a down size BOO te na 400 mion ku no a resultá pasombra BOO tambe a para bira parti un di e fuentenan di polushon i molèster pa tur hende ku ta biba pabou di Refineria Isla.

PDVSA a haña un sweetdeal di Gobièrnu i awe despues di 29 aña e ta kulpa Gobièrnu ku e ta pèrdè di gana Plaka pasombra BOO no por garantisá Isla Koriente.

Partido Nashonal a kore kampana ku e a tene Isla habri, pero for di e tempu ei Partido Nashonal no a haña e dividendo nan, ni e pueblo di Kòrsou, ku ta resultá ku Kòrsou ta para atrobe na mes un stashon di 1985.

Awe despues di 29 aña e mes un protagonistanan di aña 1985 ta na timon ku un otro vishon. Dios duna nos tur bida i salu pa mira kiko lo ta aki 29 ana.

Konklushon : Laga pueblo disidí riba su patrimonio nashonal den un Referèndem destinu di e Rafinaderia pasombra  tin por lo ménos 10 rapòrt traha pero desishon no ta kai, i pueblo no por sigui soportá  e bagamunderia den Wishi/Machena i Veeris kaminda tur dia e gasnan venenoso aki ta hasi hopi daño na salu di tur e habitantenan.

E desishon pa mantené e refineria no por ta den man di 21 parlamentario i 8 Minister ku mayoria no sa e problema nan di e refineria. Un desishon pa mantené e refineria habri lo blòkia e posibilidat pa nos desaroyá nos isla den un ambiente limpi kaminda hopi hende lo keda sin trabou ku tur e problema nan ku nan ta kousa. Korsou su ekonomia lo bai mas patras i e pueblo aki lo bira katibu di 2 biaha pa motibu di algun partido ku ta haña sosten di PDVSA pa kohe poder total riba Korsou.

Ta inkreibel pa komprondé despues di 29 ku  PDVSA ta ópera e refineria e eksperensia tabata ku PDVSA no ta di konfia i Korsou ta kore e rísiko ora firma un kontrakt ta presidente ta disidí i por resultá ku ta para tur aktividat pasombra ta órden di Presidente.

Sigui ku e refineria gobièrnu ta skohe pa sigui mata e hendenan pabou di e refineria ku ta guli gasnan venenoso ku tur e konsekuensia nan.

Gobièrnu duna rèspèt na e pueblo i pone un referèndem pa e pueblo husga su futuro.

Edgar leito

tel. 5231930

Korsou.

20 òktober 2014.

 

 

GABINETE ASJES LO KOMETE GENOCIDE KONTRA PUEBLO DI KORSOU MANTENIENDO E REFINERIA.

Genocide

Genocide

30 aña pasa kontra tur konseho di medio Ambiente sostené pa Hulanda eks Minister Presidènt Maria Liberia  a firma un kontrakt ku PDVSA pa 5 aña i despues 20 aña mas. Kasi ningun hende no tabata sa  eks Minister Presidènt Miguel Pourier a firma 5 aña mas pa redusí e kontaminashon riba promesa  di PDVSA sin ningun resultado.

E 30 aña ku a pasa PDVSA a demonstrá ku e ta un kompania KU NO POR KONFIA RIBA SU PALABRASHON NAN , pasombra loke presidente di Venezuela dekretá ta para riba tur kontakto.

Ku otro palabra loke bo firma ku PDVSA semper tin riesgo ku PDVSA no ta kumpli esaki ta eksperensia pa ku Venezuela/PDVSA.

Gabinete Minister Presidènt Asjes na su turno a base di rapòrt traha di Ecorys ku mandato di Eks Minister Presidènt Schotte a disidí  ku e refineria tin ku keda kontra tur regla humano pa laga e refineria keda i matando nos yunan di tera i susha nos Pais pasombra partido di Sr. Asjes ta haña tur sorto yudansa  di mundu di PDVSA i nos Pais i nos pueblo tin ku muri dor di tur e gasnan venenoso ku tin por lo ménos 100 komponente kontra salu di nos hendenan ku nos sa ku por lo ménos 18 hende ta muri promé ku nan ora. Gobiernu Asjes no por habri su boka kontra PDVSA.

Si mira na e nòmbernan den tim negosiadó ku ta haña un honorario pa luna di 5000 i 10 000 florin di e pueblo aki , e negoshashon aki lo terminá den un walk over pa PDVSA, ko lo haña mas poder riba nos hende , i mi no ta papia mes di hendenan ku tin eksperensia ku Venesolano. Dios spar Korsou.

Un Minister di salubridat ta papia riba kosnan bou di laman i e hende nan riba tera e no sa mes ku nan ta eksistí. Dia nos no tabata sa e efektonan ku e situashon riba hende nos por komprondé, pero awor aki organisashon nan mundial  ta primi gobièrnu nan riba e hecho.

Un pregunta shonan: Pakiko ta na Korsou mester rafiná e krudo sushi di Venesuela/Russia i manda e porkaria nan ku ta sali for di e gasnan venenoso  riba nos grandinan, nos muchanan di skol i nos habitantenan.?

Pueblo di Korsou lanta Ariba i protesta pasombra nos a pasa aden 30 aña kaba ,  No bisa tin hopi hende ta traha na isla, pero aktividat di un grupo chikí no ta responsabel mas den mundu ku nos ta biba den aki,pasombra nos sushi ta afektá nos mes i otro nan ku no ta biba den e Pais aki.

Un konseho na tur ku ta lesa e artíkulo aki,ta e delaster chèns pa ku e refineria pa awor tuma e desishon pa sera e refineria na 2019, pa nos drecha nos pais i habri kaminda pa hopi hende traha den otro aktividat nan ku ta limpi pa futuro di nos yu’i i yunan.

FINALISA: KARA DI SENTRO DI NOS SUIDAT MESTER WORDU KAMBIA DEN UN SENTRO LIMPI I AGRADABEL KAMINDA HOPI DI NOS HENDENAN LO LABORA PA NAN PAN DI KADA DIA PA ANOS NAN NOS DILANTI.

Edgar Andres Leito, 16 òktober 2014

MINISTERIO PUBLIKO: KON A PARA KU E INVESTIGASHON DEN EXTERIOR DI E $ 900.000?

Gachitu Internt Radio0382
Komunidat a keda di shòk di tende ku un Parlamentario lokal, sin un liña di famia di plaka, ni ku e mes tin un trayektoria komersial eksitoso, tin, riba su kuenta bankario, den eksterior un kapital na florin di 7 sifra.
Un pregunta ku hopi suidadano lo hasi: ta kuantu mas  di e Parlamentarionan (Ámtenar òf trahadó komun) tin un suma grandi asin’aki riba nan kuenta den eksterior òf lokal?

Ta ki tipo di aktividat nan tabata tin òf tin, fuera di nan trabou di tur dia ku por ta representá un kresementu akumulá di kapital grandi asina den forma di sèn òf propiedat?
Pa e dudanan ku tin den pueblo pa loke ta integridat di nan representante den Parlamento i su mandatarionan e proseso di screening i Ministerio Públiko tin un kompromiso ku pueblo pa splika pueblo ku e situashon di e Parlamentario por ser spliká, pasombra otro Paisnan si tin instituto i prosesonan pa duna kontesta na e tipo di preguntanan aki.
Aktualmente, pa loke ta Parlamentu, É representashon di pueblo, su reputashon ta sufriendo enorme pa loke ta e situashon aktual den Parlamentu kaminda por lo ménos 3 Parlamentario aktivo i 2 no aktivo dje mes un partido ta den korte pa loke ta akusashon kontra pago pa kibra un gobièrnu anterior ku no ta un situashon sano komo representante di un pueblo.

E situashon aki ta un situashon hopi fastioso pa loke ta e komunidat, kaminda e komunidat, su man nan ta mará, i no por hasi nada pa ekspresá  su mal kontentu ku e situashon.
Pueblo ta bolbe ser konfrontá ku un situashon ku ta hopi difísil pa bo sa ta ken bo tin di vota  pe.
Si e persona ta un persona kapabel, íntegro, humilde, i honesto i si e por wanta e kantidat di trabou ku ta realmente nesesario pa entamá akshonnan ku ta na benefisio di e pueblo.
Si bin resultá ku esun ku b’a vota p’e ta un kriminal, Pueblo su kara lo keda na bèrgwensa, i nos Pais lo pasa komo un Pueblo ku ta vota pa hende ku ta parti di e mundu kriminal.
Parlamentu ta pendiente pa bai Parlatino , ki mensahe nos lo laga atras na Parlatino si despues pa semper lo keda grabá den historia ku nos a kontaminá Parlatino ku un kriminal?

Pa e motibu aki ta urgente i responsabel pa Ministerio Públiko kaba su investigashon riba e  suma di $900.000 kaminda pueblo lo haña un klaridat riba e suma aki, i si  e ta ilegal risibí pa debolbé i hasi uso di dje den boekenfonds pa nos muchanan.

Pa loke ta e situashon den Parlamentu ta na su lugá pa asina tin sierto klaridat den kasonan kaminda Parlamentarionan ta envolví, bin un elekshon nobo , i pa naturalmente bin un tipo di screening pa screen tur e kandidatonan Parlamentario pa pueblo tin un poko mas garantia ku e ta lo mehor posibel representá den Parlamentu ku awor aki ta e kaso.

Edgar Leito, eks Parlamentario, 20 ougùstùs 2014. tel. 5231930. Facebook. Edgar Andres Leito.
Email: leito@gachitu.com.

 

PDVSA/MADURO TA ABUZA DI KORSOW !!!!!!!  

Picture of me 1

Minister Presidènt Asjes mester lanta para riba su pia patras i defendé negoshinan i propiedat nan di e pueblo , meskos ku Presidente Maduro ta hasi na Venezuela pa su pueblo.

 

Presidente Maduro su polítika ta kibra tur kontrakt ku no ta na benefisio di su pueblo, i aki na Kòrsou Pdvsa /Maduro ta humiliá nos pueblo, i abuzá di nos propiedatnan pasombra nan ta poderoso.

 

Presidente Maduro ta midi ku dos midi, hanchu pe i smal pa nos, i Pdvsa kier trose Kòrsou saka tur djus for di dje i esnan responsabel ta para tira spich bati man pa un chipichipi pa aliviá sufrimentu na final di bida di nos hendenan.

 

Venezuela a sòru pa un liña di avion di Korsou a kibra , hopi di nos hende nan a pèrdè trabou, plaka di Inselair a keda pega na Venezuela hopi luna pone e kompania kore masha kabes di gai pa e haña su plaka.

 

Awor Presidente Maduro tin un problema ku Aruba, awor Presidente ta stòp e avion nan di Korsou pasa riba Venezuela, para tur tráfiko di avion ku masha Venesolano no por bai nan kas , pone ku Inselair atrobe ta den problema grandi pa un problema ku Venezuela tin ku Aruba.

 

Presidente Maduro tin problema ku Aruba/Hulanda, i Presidente ta bini baha su rabia riba Korsou ku no tin nada di hasi ku e problema.

 

Presidente Maduro no ta sera su pòmpnan na Merka, pero ta menasa nos aki si ku e ta para e plantanan. Presidente Maduro ta reklamá Merka e ta hasié meskos ku Korsou pasombra ta nos ta e palu mas delegá.

Unda nos Minister Presidènt Asjes a keda, pa munstra Presidente Maduro  ku nos no tin nada di hasi ku su problema ku Aruba.

 

Awor pueblo di Korsou ta mira ku nos ta bou di pia di Venezuela i nos no ta tende ni mira ningun furia di Minister nan ni di nos Parlamentario nan.

Un yamada ta bai pa Minister Presidente Asjes  meskos ku Presidente Maduro ta sali pa su pueblo, dor di kibra tur kontrakt ku no ta na benefisio di su pueblo, nos aki na Kòrsou mester hasi meskos pa nos pueblo, i nos lo no muri di hamber.

 

Edgar Leito, Eks Parlamentario, 25-7-2014, tel. 5231930.

 

 

 

Load more