UN PETISHON NA TUR HENDE KU TA DEN E NEGOSHI DI FIA PLAKA I TA FIA PLAKA DEN LUNA DI JULI I AUGUSTUS KOBRA INTERES DI 20% PA MAMA NAN KU TIN KU KUMPRA KOS PA SKOL.

Picture of me 1

Nos Pais Korsou ta pasando den un situashon ku tin tur hende preokupá pa e desaroyo ekonómiko  ku tur dia ta duna un indikashon ku lo dura pa e ekonomia krese di tal manera ku e pueblo por lanta su kabes.

Pero bida ta sigui i tin kos nan ku mester sosodé manera tur aña ora skol kuminsá di nobo, hopi familiar ku tin yunan na skol mester saka un kapital pa prepará e mucha na skol.

Pa e motibu ariba menshon e petishon aki pa kobra e familiar ku tin ku rekurí na fiansa pa duna e familiar nan aki  un alivio pa kobra nan den e dos luna nan nos dilanti solamente 20 porshento riba nan fiansa di tal manera ku ta koperá pa e dos luna nan ku ta nos dilanti.

E motibu di e petishon aki ta pasombra tin familiar ku a fia 700 florin aña pasa Ougùstùs pa kumpra kos nan di skol aña  pasa i nan mester a paga 40% ku ta 230 florin pa luna, ku a paga kaba 2300 florin sin por paga e kapital di 700 florin.

Ku otro palabra nan a paga kasi 3 biaha e kapital ku ta algu ku tin preokupashon den pueblo ku por tin su konsekuensia nan.

Mi ta spera ku e negosiante nan lo koperá na bienestar di e muchanan i tambe pa e mayor nan ménos privilegiá.

Danki di anetemano.

Edgar gachi Leito, tel. 5231930 , 13-7-2015.

Curacao 10-10-2013.

Outonomo Curacao

Mayan ku dios kier 10-10-13 ta hasi 3 aña ku tabata un dia grandi pa Korsou kaminda Korsou a bira un Pais outónomo manera tabata deseo di gran parti di e pueblo. Ora nos mira patras kiko a pasa den e tres aña ku e Pais Korsou , Korsou a konosé un maltrato den e tres aña nan ku a pasa dje grandi ei ku mayan despues di tres aña Gobièrnu, Kas di Kultura no a anunsiá ku tin un selebrashon di e dia históriko aki ku ta un duele na kurason di un mayoria biba na Korsou. Ku ki kara Kas di Kultura ta bin ku otro invitashon?

Riba e delaster anochi promé ku reunion den Parlamentu pa pasa e moshon pa Korsou bira outónomo mi a konsehá Minister Presidènt pa no sostené e moshon pa Korsou bira Outónomo pasombra si e gobièrnu skohe  mes no ta sostené nan mes Gobièrnu ta un bòfta grandi den kara di Pueblo ku mayan pueblo ta bolbe eksperensi’é . Shon nan Pabien pa mayan ku Dios kier I Dios spar Korsou.

Edgar Andres Leito, 10-10-2013, tel. 5231930, Curacao

EKSPLOSISHON GRANDI GOBIERNU TA WARDA RIBA ISLA?

Pa tur ku ta sintínan responsabel.

E loke a pasa riba isla na e planta di CaT Cracker ayera tardi , durante e 28 aña ku a pasa a pasa sigur 8 biaha.

Loke ku ta pasa ta; ku e zeta ku ta drenta den e planta ta bai den un direkshon ku e no mester bai i ta topa ku catalist di 600 grado Celsius ku por kousa un eksploshon grandi ku lo por resultá den un katástrofe grandi riba tereno di Isla.

E loke ku ta pasa por ta fayo di mashin,por ta fayo humano, pero un kos ta sigur e refineria no por karga mas un operashon sigur ku ta pone bida di hende na peliger.

E eksperensia aki ta di 40 aña pasa na e planta di cat Cracker tabatin  un eksploshon grandi ku a kosta bida di un hende i hopi tristesa i destrukshon.

Un 10 dia pasa dor di mal mantenshon i prosedura di e refineria tabatin un total blackout  kaminda koriente a kai riba isla i den komunidat kaminda e pueblo pabou di e refineria  mester a wanta tur e molèsternan. Awe atrobe otro molèster pa e pueblo. Hasta kuando Gobernantenan?

Den e huma ku ta sali for di e skorsten tin por lo ménos 100 komponente ku ta dañino pa hende su salu.

Kiko Gobièrnu ta warda ? Te dia nos haña un eksploshon kaminda hopi familiar lo pèrdè nan ser kerí nan? Kaminda nos grandinan den Habaai no por sali for di habaai?

Gobièrnu/Parlamentarionan komo representante di pueblo hasi uso di boso poder komo representante di e pueblo i stòp e abusu aki promé ku ta lat.

Movementu Solushon Isla, 17 yüli 2013

tel: 5231930, Korsou.

 

ANTENSHON ANTENSHON ANTENSHON

 

KORSOU MESTER DI UN ELEKSHON NOBO PA SKOHE UN PALAMENTU NOBO PASOMBRA:

@ NO TIN UN PROSEDURA LEGAL PA BAHA UN PARLAMENTU KU NO TA SALI NA BIENESTAR I DEFENSA   GENERAL DI E PUEBLO.  @ E  PARLAMENTU AKTUAL A BIRA UN EKSTENSHON DI GOBIERNU I NO UN REPSENTANTE DI PUEBLO I KONTROLADOR DI MANEHO DI GOBIERNU.  @ MIEMBRONAN DI PARLAMENTU A PERDE RESPET PA OTRO, NAN  TA HASI BOFON DI OTRO, REDIKULISA OTRO, MENASA OTRO KU NA DIFERENTE OKASHON PRESIDENTE DI PARLAMNTU MESTER A SAKA MIEMBRO DI PARLAMENTU FOR DI SALA DI REUNION DI PARLAMENTU.  @ PRESIDENTE DI PARLAMENTU TA WORDU MENASA DOR DI UN MINISTER DI GOBIERNU KU E PRESIDENTE DI PARLAMENTU TA HANJA E OBLIGA PA HASI UN KASO KONTRA E MINSTER SERKA OM.  @ PARLAMENTARIO  A HASI PETISHON PA KARGA ARMA KONTRA E PUEBLO KU A PONE RIBA E PUESTO DEN PARLAMENTU PA TA VOSERO DI E PUEBLO.  @ PARLAMENTU NO POR DUNA KUENTA I RASON NA PUEBLO DESPUES DI KASI 20 LUNA KON A GASTA   PLAKANAN PRESUPUESTA I TIN INDIKASHON KU TA PAPIA RIBA UN DEBE EXTRA DI 162 MION FLORIN.

@ PARLAMENTU A LARGA ESPASIO HABRI KAMINDA TA GOBIERNU TA DISIDI TA KI ORA E DIREKTOR DI E KOMPANIA NAN ANONIMO DI GOBIERNU  TA BIN RESPONSABILISA SU RESPONSABILIDAT DEN PARLAMENTU  PONIENDO OUTHORIDAT DI PARLAMENTU UN BANDA.  @ PARLAMENTARIO TA MENASA MINISTER PRESIDENT SI E LAGA GOBIERNU KAI E TA LAGA SERA MINISTER PRESIDENT I PONE UN REVOLUSHON RIBA E PAIS.  @ PARLAMENTU TA PERMITI KU MINISTER SOSPECHOSO TE  AINDA TA DEN FUNKSHON.  @ PARLAMENTU TA KUESHONA INFORMASHON KU PUEBLO A TRESE PA PARLAMENTU NA LUGA   KU PARLAMENTU TA INVESTIGA LOKE PUEBLO A PRESENTA I KIER  KUESHONA PUEBLO SU INTEGRIDAT.   DESPUES DI E 20 LUNA NAN KU A PASA  E PUNTONAN ARIBA MENSHONA A KREA UN PRESHON I DESGUSTU GRANDI DEN HOPI KAS DI FAMIA DEN NOS KOMUNIDAT I KU E  KOMUNIDAT TA SKLAMA I PIDI UN ALIVIO NA  PARLAMENTU PA BINI KU UN PETISHON PA PARLAMENTU PA BINI KU UN ” ELEKSHON NOBO” PA EVITA UN KALAMIDAT DEN NOS KOMUNIDAT NA BIENESTAR DI E PUEBLO EN GENERAL..

PRO PUEBLO  5 JULI 2012.

 

 

OJO “SAMBIL”!!!!!!

INSTANSIANAN KU A OFRESE “SAMBIL”  E SITIO DEN VEERIS KIER “SAMBIL” HOPI MALU PASOMBRA E AREA TA HOPI KONTAMINA, I E EDIFISIO LO SUSHA DENTRO DI POKO TEMPU, E  EDIFIO LO PERDE BALOR PASOMBRA E TA WORDU KONSTRUI PABOU DE E REFINERIA.

SI “SAMBIL” BINI E MEHOR SITIONAN TA WECHI,  SAPATE, OF SORSAKA.

2 HOTEL NO A WORDU TRAHA NA BLUEBAY PA MOTIBU DI KONTAMINASHON DI E AREA.

Movementu Solushon Isla

5 februari 2012, Marchena.

tel: 5231930

Load more