INFRASTRUKTURA DI E REFINERIA TA FOR DI MODA I KOSTOSO PA OPERA I SIGUR DESPUES DI 30 ANJA SIN MANTENSHON TA SUBI E INSEGURIDAT RIBA E UNIDATNAN

wener wiels. maria liberia.Edgar gachi leito :

Pa e motibu aki PDVSA a bisa ku e no tin plaka pa invertí den e refineria. PDVSA su interes di te ainda ta ópera e refineria pasombra e tin kaminda pa destilá 300 mil bari di petrolio i saka produktonan ku e ta gana plaka for di dje , i e no ta ril ni tril pa loke ta e polushon di aire,laman i tera na Kòrsou. E ta duna donashon den tur kos pa e pueblo na sierto momentu no hanja rabia riba PDVSA pasombra e a akomodá henter prensa i polítiko nan na Kòrsou.
Pa kolmo nos gobièrnu no tin ku nes kuantu hende ta sufri i muri di e polushon, ni kuantu no por drumi anochi di e holo stinki i boroto di e refineria i tur dia tin reklamo riba e refineria.
Tim Multi disiplinario ta biaha rònt mundu pa buska un interesado pa e refineria ku ta difisil pa haña a ménos ku regalá nan e refineria di pueblo ku na final ta keda un blòki na pia di e pueblo aki. E 10 pir nan ku tin den schottegat mester wòrdu usa awor despues di 100 anja pa e pueblo i no pa otro kompania nan yena nan saku laga e pueblo ku wiriwiri.
Rapòrtnan di tres aña pasa ta papia di balor di e refineria di 600 mil dòler, i Cot 400 mil dòler. Ta hopi difísil pa traga ku e refineria su preis a subi den e tres aña nan ku a pasa na 2.4 mion doler ku ta 4 biaha mas tantu ku e tabata. Ta kiko a kambia na e refineria.
E konklushon ku ora bai kima gas e molèster di e refineria ta ménos,ta bèrdat, pero no ta un garantia ku e molèster di humamentu, di skorsten, di fakkel nan, i di kimamentu h2s na fakkel nan ta bira ménos ku ta kontribuí en grandi na e molèster nan den e bario nan pabou di e refineria. Tin un falta di disiplina operashonal ku ta kousa grandi e e parti di molèster, sin menshoná ainda e polushon di awa i di tera.
Na mi konsepto no tin ku warda riba gas pa bai kima gas, for di awor aki e mayoria di fornunan por kima gas, ta kiko ta warda riba dje ku tin asina sigur ku e polushon ta bai bira ménos.
Awor ku PDVSA despues di 30 a kaba di chupa tur sanger di e pueblo aki, tim multi disiplinario ta papia di business esun ku ofresé mehor negoshi lo ta esun ku lo dil kuné.
E kuestion ku ta na e refineria aki so e empleado nan tékniko so por traha ta for di moda pasombra hende ta bai traha ront mundu kaminda e por hanja un bon salario. Ku otro palabra Gobièrnu no por sakrifiká salu di míles di hende, i tambe un area ekonómiko kaminda muchu mas hende por hañá trabou den un ambiente limpi pa nan i nan familiar nan.
Na e momentu aki e pueblo aki ta na un krusada pa tuma e desishon mas apropiá pa e Pais Kòrsou aki di moda ku Yu’i i Yunan por mira patras des di un otro 30 ku tabata un bon desishon i no un desishon ku durante e 30 aña ku a pasa ta sufri so e pueblo aki a keda sufri pasombra 30 aña pasa no tabatin otro alternativa. Pueblo lanta Ariba i Sta op pa bo futuro derechonan. SIN MIEDU.

TEL. 5231930, 5-10-2015, GACHITU ONLINE GOLLLLLLLL, APP: 5223335.

KALIDAT POLUSHON DI REFINERIA ISLA (PDVSA) TIN 30 ANJA KU E A EMPEORA

edgar-leitoE motibu nan kardinal tabata ku for di 1985 ku PDVSA a bin run e Refineria tur e 7 gabinete nan di turno a sera nan wowo pa polushon i a opta pa tur e poblashon pabou di e refineria keda sufri. E motibu ta ku PDVSA a bisa ku e nota hasi nada na e polushon.
Na aña 1994 ku a negoshá e kontratá di 20 aña PDVSA a primintí ku e lo hasi algu na e polushon biniendo ku IRUP ku a resultá den un frakaso pasombra sierto parti a wòrdu ehekutá i sierto parti no. Den final di 1994 Gobièrnu Sentral a duna PDVSA 5 aña mas di kontrakt sin haña nada en kontra. Pdvsa ku a haña aliado den gobièrnu di Frente, Man, Ps, I MFK a fortifiká su posishon aki na Kòrsou kuminsando duna donashon, bisti trahadó nan FLANEL kòrá, ku sosten di sindikato PWFC poniendo preshon riba gobièrnu menasa ku wèlga ku a pone ku e departamentu di medio ambiente te ainda no ta funshoná.
Despues di hopi esfuerso gruponan di preshon a haña wes asina leu pa laga Refineria paga but ora tin hopi molèster di polushon, Sr. Schotte i Sra Constansia a hunga un wega i bai korte despues ku e desishon a wòrdu anulá ku Refineria Isla (PDVSA0 a haña mas forsa den nos komunidat ku den e 30 aña aki 540 hende a muri promé ku nan ora den e área pabou di e refineria.
Un di e motibunan prinsipal ku e polushon a empeorá ta pasombra Refineria isla (PDVSA) a kita e kontròl di 24 ora ku tabatin riba e tereno ku tantu humamentu, Fakkelmentu, drainmentu den kanal i slordigheid di e operashon di e planta nan públiko pabou di e Refineria a nota un bes ku e polushon a subi pa basta tempu.
Refineria Isla PDVSA ke proba despues di 25 aña ku e mes a bisa ku e no ta hasi nada na e polushon ku e polushon a baha, pasombra RDK a traha BOO ku ta traha solamente pa e refineria ta den uso ku e polushon no ta di Refineria Isla pero di BOO. Ta bèrdat ku BOO ta kontribuí na polushon, pero E Chimenea di BOO ta 200 meter e huma ei ta bai kai den BLauw, Boca i Jandoret i si bientu bira den Julianadorp. E argumentu ku ta Aqualectra tambe ta polushona i Asphaltmeer no ta laga duda , pero e mayoria chiminea di 100 meter di e rafinaderia ku ta por lo ménos 70 ta nan den nan mayoria ta kontribuí pa e polushon den Marchena, Wwishi, i Veeris.
E instrumenti ku ta pone na santana na valentijn tin un propósito pa midi polushon di AQaulectra , i Asphaltmeer, pero e instrumènt aki no ta sirbi kaminda e ta pa indiká polushon den Marchena, Wishi of Veeris. Ku otro palabra E no por midi polushon den wishi ni machena. Esun na Cas chikitu ta bon pero falta instrumènt pa midi den Veeris, Mina scharbai, Jandoret, Blou i hanchi Kool.
Mi tin ku remarka ku despues di 100 di refinashon nos Pais su Aire ta kontaminá, Schottegat ta kontaminá, Schottegat Zuid pariba di Habaai ta kompletamente kontaminá, Valentijn ta kompletamente kontaminá, no tin kaminda riba e tereno mas pa dera sushi kontaminá, Awa di Schottegat ta kompletamente kontaminá, dor di stroming kada 12 ora kasi tur beach te banda abou ta kontaminá. Asina mi por sigui.

REAKSHON DI INSTANSIA KU PERMIT DI BANKO SENTRAL PA LOKE TA E DISKUSHON DI “LOAN SHARK” (FIA PLAKA)

E punto kardinal pa públiko sa ta ku tin instansianan ku tin dispensashon di Banko Sentral pa fia sèn i nan mester mester kumpli ku tur rekisitunan di belasting i tin e grupo hopi mas grandi ku ta fia sèn parotin ku no ta kumpli ku e rekisitonan ariba menshoná. Den pasado Banko Sentral a purba di regla e merkado pretu aki dor di permití kompania nan serio pa fia plaka na públiko. E kompania serio nan aki meter a kumpli ku sierto kos nan manera check promé ku e persona por karga e fiansa manera banko Sentral a stipulá i purba pa e kliente no hinka su kurpa den problema. i wak nan situashon individual. E kliente nan ku ta bini na e instansianan aki ta klientenan ku den nan mayoria no tin borg i ningun otro dekking. Ademas dor di e urgensia ku nan tin banko no por kumpli ku nan den e tempu sufisiente kòrtiku. Segun e kompanianan aki ku tin dispensashon di Banko Sentral pa fia plaka no tabata eksistí lo e kliente nan aki mester a fia plaka den bario serka figuranan oskuro ku no ta paga belasting, nan no ta empleá ningun hende i nan no ta kontribuí na e ekonomia. E kompania nan aki ku tin e dispensashon di Banko Sentral ta di opinion si nan haña sosten di Banko Sentral i di gobièrnu nan por sirbi e klientenan aki hopi mas mehor i hasi e negoshi un motor pa nos ekonomia manera e ta na India kaminda e mikro credit a yuda lanta e ekonomia. E kompanianan aki por sigui baha e interes mas dor di mihó kontròl ku blacklist pa e komportashon di pago tambe drecha. Mi ta kontentu ku e kompania nan aki ta mira e posibilidat pa hasi algu mehor pa e komunidat ku ta hasi uso di e servisio nan i ku nan ta di opinion ku por bini ku algu mas mehor pa sirbi e nan mas abou den nos komunidat na benefisio di nos tur ku ta biba riba e pida baranka aki. Mi ta spera ku Banko Sentral, Gobièrnu i e instansianan ku tin dispensashon pa fia sèn yegá na un otro sistema mas pronto posibel.

Di antemano danki pa lesa e informashon aki,

Edgar gachi Leito, tel 5231930 , fecha 5 ougùstùs. 2015. cc.

Community Loan.Banko Sentral, Minister Jardim.

UN PETISHON NA TUR HENDE KU TA DEN E NEGOSHI DI FIA PLAKA I TA FIA PLAKA DEN LUNA DI JULI I AUGUSTUS KOBRA INTERES DI 20% PA MAMA NAN KU TIN KU KUMPRA KOS PA SKOL.

Picture of me 1

Nos Pais Korsou ta pasando den un situashon ku tin tur hende preokupá pa e desaroyo ekonómiko  ku tur dia ta duna un indikashon ku lo dura pa e ekonomia krese di tal manera ku e pueblo por lanta su kabes.

Pero bida ta sigui i tin kos nan ku mester sosodé manera tur aña ora skol kuminsá di nobo, hopi familiar ku tin yunan na skol mester saka un kapital pa prepará e mucha na skol.

Pa e motibu ariba menshon e petishon aki pa kobra e familiar ku tin ku rekurí na fiansa pa duna e familiar nan aki  un alivio pa kobra nan den e dos luna nan nos dilanti solamente 20 porshento riba nan fiansa di tal manera ku ta koperá pa e dos luna nan ku ta nos dilanti.

E motibu di e petishon aki ta pasombra tin familiar ku a fia 700 florin aña pasa Ougùstùs pa kumpra kos nan di skol aña  pasa i nan mester a paga 40% ku ta 230 florin pa luna, ku a paga kaba 2300 florin sin por paga e kapital di 700 florin.

Ku otro palabra nan a paga kasi 3 biaha e kapital ku ta algu ku tin preokupashon den pueblo ku por tin su konsekuensia nan.

Mi ta spera ku e negosiante nan lo koperá na bienestar di e muchanan i tambe pa e mayor nan ménos privilegiá.

Danki di anetemano.

Edgar gachi Leito, tel. 5231930 , 13-7-2015.

EVALUASHON MINISTERNAN SR. EARL BARBORDA PNP A SALI KU E PUNTUASHON AVERAGE MAS HALTU KU TA : 3.02.

Durante e periodo di 2 febrüari- 8 febrüari 2015 un evaluashon di e Ministernan di Gobièrnu Korsou a tuma lugá riba Facebook, usando e modèl Surveymonkey.
Durante e periodo ariba menshoná 176 persona a partisipá na e enkuesta. E pregunta na e partisipante nan tabata: DUNA KADA MINISTER UN SIFRA DI 1-5 PA PRESTADHON DI SU KARTERANAN.
Detaye di e puntuashon tabata lo siguiente:
1.Malu, 2. Ménos malu, 3. Ta bon, 4. Basta bon, 5 Ta hopi Bon
E resultado tabata lo siguiente:
1. Earl Barborda PNP punto averahe di 3.02
2. Ettiene van der Horst Pais 2.94
3. Jose Jardim Indp 2.91
4. Nelson Navarro Pais 2.87
5. Stanley Palm Pais 2.31
6. Ruthmila Larmonie Ps 2.24
7. Ben Whiteman Ps 2.09
8. Irene Dick Ps 2.03
9. Ivar Asjes Ps 2.02
10. Marveline Wiels Ps 1.37
Un danki ta bai na tur facebook friends nan ku a hasi e enkuesta posibel na bienestar di komunidat en general. Mira detaye mas abou. Edgar Leito,tel.5231930 , 8 Febrüari 2015.

Load more