” LOAN SHARK” TA UN PROBLEMA SOSIAL  GRANDI DI NOS KOMUNIDAT KU TA AKASHONA DESPERASHON DEN HOPI KAS DI FAMILIA MARGINA.

Primier Asjes.jOSE jARDIM 2Dos siman pasa e problema di “Loan Shark” a bini dilanti den nos komunidat i den presentashon di Sr. Tromp di Banko Sentral e tabata tópiko di dia.

Públikamente un petishon públiko a wòrdu hasi  na Sr. Tromp di Banko Sentral pa banko nan sera kabes pa mira ki posibilidat tin pa yuda e hende nan mas abou den nos komunidat ku pa motibu ku no tin un posibilidat pa haña  un fiansa na un interes mas sosial ta haña nan obligá pa kumpli ku nan obligashon manera kumpra kos nan di skol pa nan yunan ta hinka nan kurpa den obligashon ku na final di dia nan no por kumpli.

E operashon aki di “Loan Shark” tantu na esnan grandi mehor organisá i tambe serka esnan los ta pidi un atenshon riba nivel di Gobièrnu i tambe Parlamentu pa hasi algu na e situashon aki ku ta un molèster grandi den e komunidat.

E komunidat a keda desapuntá ku ningun Parlamentario komo representante di pueblo no a bisa nada ni hasi nada pa e situashon ku ta pèrta den hopi kas di familiar. Si tin un problema grandi den e komunidat aki ta: Kon ta kumpra kos nan pa skol  sin hinka nan mes den problema finansiero grandi.

E problema mayor ta: ku un hende ta fia 1500 florin 12 luna a pasa i e a faya di paga  un par di bes, e multa ta subi ku ta pasa e kapital 2 biaha  i e situashon aki den un komunidat na òrdu mester trese un paro na e situashon nan aki promé e sali for di man.

Un petishon ta bai na Sr. Tromp i tambe na e Parlamentario nan i tambe na Gobièrnu ku tin e nesesidat nan di e pueblo marginá na pechu pa hasi algu na e problema aki di “Loan Shark”

Nos sosiedat ta pidi pa bin ku un sistema struktura   kaminda ku tur hende ku no por sali for di nan debe pa pidi yudansa den e sentido ku e fundashon lo guia e persona pa e siña kon por mehor.( Ku otro palabra e persona ta bai bou kuratela pa un tempu)

Di antemano danki pa a lesa e informashon aki,

Edgar gachi Leito, tei. 5231930, fecha: 27-7-2015.

LANDADO” CHADE NERSICIO” PA ESTUDIO MERKA.

Mayan ku dios kier un di nos mihor atleta ta bandona su Pais natal pa despues di kompetensia na Russia bai merka ta sigui su estudio i tambe praktika su deporte preferi ku ta landamentu Chade mi ta desea bo tur kos bon i hasi bo best pa tene Korsou su nomber na haltu. Edgar gachi Leito.???????????????????????????????

50% DI INTERES RIBA 100 FLORIN TIN HOPI FAMILIA MENOS PREVILIGIA MAN NA KABEZ PASOMBRA NAN NO POR PAGA E INTERES.

Community Loan.

Situashon na Korsou den hopi kas di familiar nan ménos privilegiá i kaminda ta mama ta kabes di kas  tur luna situashon ta bira mas difísil pa e familiar nan aki.

E motibu nan ta ku e kos nan di paga ta subi otro, ku ta pone ku e persona nan aki ku tin ku paga interes di entre 40-50 riba 100  ku ta kai den situashonnan ku ta yegá na un momentu ku nan no por paga e debe atrasá i nan ta yegá na e situashon ku nan por kai atras un pa tres pago ku nan no por paga mas i ei e problema grandi ta kuminsá.

Tin di e negoshinan aki si bo no por paga 3 luna e kapital aki ta wòrdu konta serka e montante ku bo a fia  ku lo bira un interes masha grandi ku sigur e hendenan no por paga.

E motibu di e karta aki mi kier a sugerí gobièrnu pa habri e posibilidat di un banko di gobièrnu por ehemplo a base di e salario di e persona e ta bini na remarke pa fia un kantidat di plaka no mas ku e persona ta gana pa luna na un interes di max 20% di tal manera ku por aliviá e nesesidat di e grupo di hendenan aki, sino e hende nan aki a hinka nan kurpa den un situashon ku nan no por sali afó.

E situashon ariba menshon por pone hende hasi kos nan ku por ta ferfelu pa komunidat.

MI ta spera ku e karta aki ta hañá oido serka mandatario nan pa evitá lo peor.

Edgar Leito. Eks Parlamentario, tel. 5231930  4-7-2015.

GABINETE ASJES LO KOMETE GENOCIDE KONTRA PUEBLO DI KORSOU MANTENIENDO E REFINERIA.

Genocide

Genocide

30 aña pasa kontra tur konseho di medio Ambiente sostené pa Hulanda eks Minister Presidènt Maria Liberia  a firma un kontrakt ku PDVSA pa 5 aña i despues 20 aña mas. Kasi ningun hende no tabata sa  eks Minister Presidènt Miguel Pourier a firma 5 aña mas pa redusí e kontaminashon riba promesa  di PDVSA sin ningun resultado.

E 30 aña ku a pasa PDVSA a demonstrá ku e ta un kompania KU NO POR KONFIA RIBA SU PALABRASHON NAN , pasombra loke presidente di Venezuela dekretá ta para riba tur kontakto.

Ku otro palabra loke bo firma ku PDVSA semper tin riesgo ku PDVSA no ta kumpli esaki ta eksperensia pa ku Venezuela/PDVSA.

Gabinete Minister Presidènt Asjes na su turno a base di rapòrt traha di Ecorys ku mandato di Eks Minister Presidènt Schotte a disidí  ku e refineria tin ku keda kontra tur regla humano pa laga e refineria keda i matando nos yunan di tera i susha nos Pais pasombra partido di Sr. Asjes ta haña tur sorto yudansa  di mundu di PDVSA i nos Pais i nos pueblo tin ku muri dor di tur e gasnan venenoso ku tin por lo ménos 100 komponente kontra salu di nos hendenan ku nos sa ku por lo ménos 18 hende ta muri promé ku nan ora. Gobiernu Asjes no por habri su boka kontra PDVSA.

Si mira na e nòmbernan den tim negosiadó ku ta haña un honorario pa luna di 5000 i 10 000 florin di e pueblo aki , e negoshashon aki lo terminá den un walk over pa PDVSA, ko lo haña mas poder riba nos hende , i mi no ta papia mes di hendenan ku tin eksperensia ku Venesolano. Dios spar Korsou.

Un Minister di salubridat ta papia riba kosnan bou di laman i e hende nan riba tera e no sa mes ku nan ta eksistí. Dia nos no tabata sa e efektonan ku e situashon riba hende nos por komprondé, pero awor aki organisashon nan mundial  ta primi gobièrnu nan riba e hecho.

Un pregunta shonan: Pakiko ta na Korsou mester rafiná e krudo sushi di Venesuela/Russia i manda e porkaria nan ku ta sali for di e gasnan venenoso  riba nos grandinan, nos muchanan di skol i nos habitantenan.?

Pueblo di Korsou lanta Ariba i protesta pasombra nos a pasa aden 30 aña kaba ,  No bisa tin hopi hende ta traha na isla, pero aktividat di un grupo chikí no ta responsabel mas den mundu ku nos ta biba den aki,pasombra nos sushi ta afektá nos mes i otro nan ku no ta biba den e Pais aki.

Un konseho na tur ku ta lesa e artíkulo aki,ta e delaster chèns pa ku e refineria pa awor tuma e desishon pa sera e refineria na 2019, pa nos drecha nos pais i habri kaminda pa hopi hende traha den otro aktividat nan ku ta limpi pa futuro di nos yu’i i yunan.

FINALISA: KARA DI SENTRO DI NOS SUIDAT MESTER WORDU KAMBIA DEN UN SENTRO LIMPI I AGRADABEL KAMINDA HOPI DI NOS HENDENAN LO LABORA PA NAN PAN DI KADA DIA PA ANOS NAN NOS DILANTI.

Edgar Andres Leito, 16 òktober 2014

NO’ LETTER KAPITAL KONTRA BENDEMENTU DI REFINERIA.

Gachitu Internt Radio0275
Konseho Insular ta reuní awe riba benta di e Rafinaderia. Pueblo ta eksperensia un biaha mas ku desishonnan ta bai kai den Konseho Insular sin konseho Insular tin un vishon kiko e Refineria ta nifiká pa futuro di nos Pais i nos pueblo.
E motibu di e situashon aki ta pasombra nos Konseho Insular a para bira un Konseho Insular ku no ta representá pueblo, pero e ta representá PDVSA ku kier kumpra e Rafinaderia pa dòria dos plaka, ku ta situá den sentro di nos suidat ku ta un molèster grandi pa nos Pais i nos pueblo.
Un man yen di nos representantenan den Konseho Insular tur dia ta bati kabes di makambanan aden pasombra nan propósito ta pa bende nos Pais ku Venezuela pa dòria dos plaka pa nan haña e poder pa goberná lubidando ku nan ta un di nos ku ora e ora di bèrdat yega nan tampoko no ta konta.
Gobièrnu di Kòrsou no mester hinka su kurpa den e aventura di e Rafinaderia pasombra e Rafinaderia ta na su final di bida i mirando desaroyo mundial ku ta para nos dilanti gobièrnu mester hinka su kapital den desaroyonan limpi i duradero, na benefisio di e pueblo en general.
PDVSA tin kontrakt te aña 2019 laga PDVSA kaba su kontrakt i si e ta di opinion ku e no tin plaka pa invertí den e Rafinaderia e buska un otro partner i kumpli ku su debernan pa loke ta e norma nan di polushon. E klóusula ku PDVSA a pone den su MOU ku e no kier ta responsabel pa polushon ni labor ta inaseptabel den e tempu aki, i kuidou ku gobièrnu bai firma e klóusula aki.
Bendementu di e Refineria ku kualkier kompania ta nifiká bende un parti di bo suidat ku ta e pida tereno ku tin mas balor riba bo Isla. Tur ku ta pensa otro ta pasombra no ta nan propiedat.

Di otro banda Gobièrnu ni Konseho Insular no tin e outoridat pa bende propiedat manera Isla sin tene un Referèndem den pueblo pasombra e ta para den sentro di e suidat i e ta un molèster grandi pa e pueblo.
Resumiendo : E manera ku un man yen di e Konsehal nan ta funshoná den Konseho Insular pa loke ta e Refineria no ta karga aprobashon di un gran parti di e pueblo aki i sigur no pa bai pone e pueblo aki bou di pia di Venezuela.
UN NO’ KAPITAL PA BENDE E RAFINADERIA.
Fundashon “Sjell”
6 aprel 2009
Korsou

Load more