INFRASTRUKTURA DI E REFINERIA TA FOR DI MODA I KOSTOSO PA OPERA I SIGUR DESPUES DI 30 ANJA SIN MANTENSHON TA SUBI E INSEGURIDAT RIBA E UNIDATNAN

wener wiels. maria liberia.Edgar gachi leito :

Pa e motibu aki PDVSA a bisa ku e no tin plaka pa invertí den e refineria. PDVSA su interes di te ainda ta ópera e refineria pasombra e tin kaminda pa destilá 300 mil bari di petrolio i saka produktonan ku e ta gana plaka for di dje , i e no ta ril ni tril pa loke ta e polushon di aire,laman i tera na Kòrsou. E ta duna donashon den tur kos pa e pueblo na sierto momentu no hanja rabia riba PDVSA pasombra e a akomodá henter prensa i polítiko nan na Kòrsou.
Pa kolmo nos gobièrnu no tin ku nes kuantu hende ta sufri i muri di e polushon, ni kuantu no por drumi anochi di e holo stinki i boroto di e refineria i tur dia tin reklamo riba e refineria.
Tim Multi disiplinario ta biaha rònt mundu pa buska un interesado pa e refineria ku ta difisil pa haña a ménos ku regalá nan e refineria di pueblo ku na final ta keda un blòki na pia di e pueblo aki. E 10 pir nan ku tin den schottegat mester wòrdu usa awor despues di 100 anja pa e pueblo i no pa otro kompania nan yena nan saku laga e pueblo ku wiriwiri.
Rapòrtnan di tres aña pasa ta papia di balor di e refineria di 600 mil dòler, i Cot 400 mil dòler. Ta hopi difísil pa traga ku e refineria su preis a subi den e tres aña nan ku a pasa na 2.4 mion doler ku ta 4 biaha mas tantu ku e tabata. Ta kiko a kambia na e refineria.
E konklushon ku ora bai kima gas e molèster di e refineria ta ménos,ta bèrdat, pero no ta un garantia ku e molèster di humamentu, di skorsten, di fakkel nan, i di kimamentu h2s na fakkel nan ta bira ménos ku ta kontribuí en grandi na e molèster nan den e bario nan pabou di e refineria. Tin un falta di disiplina operashonal ku ta kousa grandi e e parti di molèster, sin menshoná ainda e polushon di awa i di tera.
Na mi konsepto no tin ku warda riba gas pa bai kima gas, for di awor aki e mayoria di fornunan por kima gas, ta kiko ta warda riba dje ku tin asina sigur ku e polushon ta bai bira ménos.
Awor ku PDVSA despues di 30 a kaba di chupa tur sanger di e pueblo aki, tim multi disiplinario ta papia di business esun ku ofresé mehor negoshi lo ta esun ku lo dil kuné.
E kuestion ku ta na e refineria aki so e empleado nan tékniko so por traha ta for di moda pasombra hende ta bai traha ront mundu kaminda e por hanja un bon salario. Ku otro palabra Gobièrnu no por sakrifiká salu di míles di hende, i tambe un area ekonómiko kaminda muchu mas hende por hañá trabou den un ambiente limpi pa nan i nan familiar nan.
Na e momentu aki e pueblo aki ta na un krusada pa tuma e desishon mas apropiá pa e Pais Kòrsou aki di moda ku Yu’i i Yunan por mira patras des di un otro 30 ku tabata un bon desishon i no un desishon ku durante e 30 aña ku a pasa ta sufri so e pueblo aki a keda sufri pasombra 30 aña pasa no tabatin otro alternativa. Pueblo lanta Ariba i Sta op pa bo futuro derechonan. SIN MIEDU.

TEL. 5231930, 5-10-2015, GACHITU ONLINE GOLLLLLLLL, APP: 5223335.

KALIDAT POLUSHON DI REFINERIA ISLA (PDVSA) TIN 30 ANJA KU E A EMPEORA

edgar-leitoE motibu nan kardinal tabata ku for di 1985 ku PDVSA a bin run e Refineria tur e 7 gabinete nan di turno a sera nan wowo pa polushon i a opta pa tur e poblashon pabou di e refineria keda sufri. E motibu ta ku PDVSA a bisa ku e nota hasi nada na e polushon.
Na aña 1994 ku a negoshá e kontratá di 20 aña PDVSA a primintí ku e lo hasi algu na e polushon biniendo ku IRUP ku a resultá den un frakaso pasombra sierto parti a wòrdu ehekutá i sierto parti no. Den final di 1994 Gobièrnu Sentral a duna PDVSA 5 aña mas di kontrakt sin haña nada en kontra. Pdvsa ku a haña aliado den gobièrnu di Frente, Man, Ps, I MFK a fortifiká su posishon aki na Kòrsou kuminsando duna donashon, bisti trahadó nan FLANEL kòrá, ku sosten di sindikato PWFC poniendo preshon riba gobièrnu menasa ku wèlga ku a pone ku e departamentu di medio ambiente te ainda no ta funshoná.
Despues di hopi esfuerso gruponan di preshon a haña wes asina leu pa laga Refineria paga but ora tin hopi molèster di polushon, Sr. Schotte i Sra Constansia a hunga un wega i bai korte despues ku e desishon a wòrdu anulá ku Refineria Isla (PDVSA0 a haña mas forsa den nos komunidat ku den e 30 aña aki 540 hende a muri promé ku nan ora den e área pabou di e refineria.
Un di e motibunan prinsipal ku e polushon a empeorá ta pasombra Refineria isla (PDVSA) a kita e kontròl di 24 ora ku tabatin riba e tereno ku tantu humamentu, Fakkelmentu, drainmentu den kanal i slordigheid di e operashon di e planta nan públiko pabou di e Refineria a nota un bes ku e polushon a subi pa basta tempu.
Refineria Isla PDVSA ke proba despues di 25 aña ku e mes a bisa ku e no ta hasi nada na e polushon ku e polushon a baha, pasombra RDK a traha BOO ku ta traha solamente pa e refineria ta den uso ku e polushon no ta di Refineria Isla pero di BOO. Ta bèrdat ku BOO ta kontribuí na polushon, pero E Chimenea di BOO ta 200 meter e huma ei ta bai kai den BLauw, Boca i Jandoret i si bientu bira den Julianadorp. E argumentu ku ta Aqualectra tambe ta polushona i Asphaltmeer no ta laga duda , pero e mayoria chiminea di 100 meter di e rafinaderia ku ta por lo ménos 70 ta nan den nan mayoria ta kontribuí pa e polushon den Marchena, Wwishi, i Veeris.
E instrumenti ku ta pone na santana na valentijn tin un propósito pa midi polushon di AQaulectra , i Asphaltmeer, pero e instrumènt aki no ta sirbi kaminda e ta pa indiká polushon den Marchena, Wishi of Veeris. Ku otro palabra E no por midi polushon den wishi ni machena. Esun na Cas chikitu ta bon pero falta instrumènt pa midi den Veeris, Mina scharbai, Jandoret, Blou i hanchi Kool.
Mi tin ku remarka ku despues di 100 di refinashon nos Pais su Aire ta kontaminá, Schottegat ta kontaminá, Schottegat Zuid pariba di Habaai ta kompletamente kontaminá, Valentijn ta kompletamente kontaminá, no tin kaminda riba e tereno mas pa dera sushi kontaminá, Awa di Schottegat ta kompletamente kontaminá, dor di stroming kada 12 ora kasi tur beach te banda abou ta kontaminá. Asina mi por sigui.

LAGA PUEBLO DISIDI DEN UN REFERENDUM DESTINU DI REFINERIA ISLA.  

For di aña 1970 Gobièrnu ku signatura di Partido Nashonal tabata konsiente ku no por sigui ku e operashon di e Rafinaderia manera e tabata teniendo na kuenta e daño ku e Rafinaderia ta kousa na e salú di tur e hendenan ku ta biba den bario nan  pabou di e Rafinaderia.

Na aña 1979 e Gobièrnu ku signatura di Partido Nashonal bou di preshon di e bario nan di Wishi i Marchena a pone preshon riba Gerensia di e Rafinaderia Isla (Shell) pa tuma medida pa remediá e situashon. Gerente di Rafinaderia Isla (Shell) den un tempu relativo kòrtiku a invertí den diferente instalashon ku a kondusí pa remediá e situashon un poko. Den aña 1980-1985 a bini aserka ku preis di krudo a kuminsá kai i Venezuela a ninga di baha su preis di krudo  ku a forsa Shell pa tuma un desishon.

Shell na su turno ku tabata  sinta ku e problema di polushon di e Rafinaderia bou di preshon di Gobièrnu,Venezuela no kier baha preis di krudo,merkado di produkto nan tabata suak, gastu nan di operashon di Rafinaderia tabata haltu, i pa Shell sigui riba su standard e mester a disidí pa kasi traha un Rafinaderia nobo pa e kumpli ku su obligashon a disidí na sera e Rafinaderia na 1985.

Na 1985 Venezuela a ninga di baha preis di krudo pa Shell i obligá Shell na sera e Rafinaderia, pa PDVSA ku bendishon di Gobièrnu pa haña un sweetdeal ku nos ta pega ku ñe te awe despues di 29anja. Ta p’esei Gobièrnu ta labiel den su posishon pa obligá PDVSA kumpli. Gobièrnu a sakrifiká salu di su hendenan pa PDVSA bin ópera e Rafinaderia i awor Gobièrnu ta haña e kuenta presentá.

Gobièrnu ku signatura di Partido Nashonal a laga e eksigishon di polushon kai, ku otro palabra sakrifiká salu di míles di hende pa tene e rafinaderia habri bou di e kapa pa evitá un krísis ekonómiko ku te awe no a drecha.

Gobièrnu ku signatura Partido Nashonal kontra tur konseho a akordá un sweetdeal  ku PDVSA , pa traha un BOO ku plaka di komunidat di 800 mion ku a tuma 10 aña di preparashon i ku koriente lo baha pa resultá na kaminda ku mester a down size BOO te na 400 mion ku no a resultá pasombra BOO tambe a para bira parti un di e fuentenan di polushon i molèster pa tur hende ku ta biba pabou di Refineria Isla.

PDVSA a haña un sweetdeal di Gobièrnu i awe despues di 29 aña e ta kulpa Gobièrnu ku e ta pèrdè di gana Plaka pasombra BOO no por garantisá Isla Koriente.

Partido Nashonal a kore kampana ku e a tene Isla habri, pero for di e tempu ei Partido Nashonal no a haña e dividendo nan, ni e pueblo di Kòrsou, ku ta resultá ku Kòrsou ta para atrobe na mes un stashon di 1985.

Awe despues di 29 aña e mes un protagonistanan di aña 1985 ta na timon ku un otro vishon. Dios duna nos tur bida i salu pa mira kiko lo ta aki 29 ana.

Konklushon : Laga pueblo disidí riba su patrimonio nashonal den un Referèndem destinu di e Rafinaderia pasombra  tin por lo ménos 10 rapòrt traha pero desishon no ta kai, i pueblo no por sigui soportá  e bagamunderia den Wishi/Machena i Veeris kaminda tur dia e gasnan venenoso aki ta hasi hopi daño na salu di tur e habitantenan.

E desishon pa mantené e refineria no por ta den man di 21 parlamentario i 8 Minister ku mayoria no sa e problema nan di e refineria. Un desishon pa mantené e refineria habri lo blòkia e posibilidat pa nos desaroyá nos isla den un ambiente limpi kaminda hopi hende lo keda sin trabou ku tur e problema nan ku nan ta kousa. Korsou su ekonomia lo bai mas patras i e pueblo aki lo bira katibu di 2 biaha pa motibu di algun partido ku ta haña sosten di PDVSA pa kohe poder total riba Korsou.

Ta inkreibel pa komprondé despues di 29 ku  PDVSA ta ópera e refineria e eksperensia tabata ku PDVSA no ta di konfia i Korsou ta kore e rísiko ora firma un kontrakt ta presidente ta disidí i por resultá ku ta para tur aktividat pasombra ta órden di Presidente.

Sigui ku e refineria gobièrnu ta skohe pa sigui mata e hendenan pabou di e refineria ku ta guli gasnan venenoso ku tur e konsekuensia nan.

Gobièrnu duna rèspèt na e pueblo i pone un referèndem pa e pueblo husga su futuro.

Edgar leito

tel. 5231930

Korsou.

20 òktober 2014.

 

 

GABINETE ASJES LO KOMETE GENOCIDE KONTRA PUEBLO DI KORSOU MANTENIENDO E REFINERIA.

Genocide

Genocide

30 aña pasa kontra tur konseho di medio Ambiente sostené pa Hulanda eks Minister Presidènt Maria Liberia  a firma un kontrakt ku PDVSA pa 5 aña i despues 20 aña mas. Kasi ningun hende no tabata sa  eks Minister Presidènt Miguel Pourier a firma 5 aña mas pa redusí e kontaminashon riba promesa  di PDVSA sin ningun resultado.

E 30 aña ku a pasa PDVSA a demonstrá ku e ta un kompania KU NO POR KONFIA RIBA SU PALABRASHON NAN , pasombra loke presidente di Venezuela dekretá ta para riba tur kontakto.

Ku otro palabra loke bo firma ku PDVSA semper tin riesgo ku PDVSA no ta kumpli esaki ta eksperensia pa ku Venezuela/PDVSA.

Gabinete Minister Presidènt Asjes na su turno a base di rapòrt traha di Ecorys ku mandato di Eks Minister Presidènt Schotte a disidí  ku e refineria tin ku keda kontra tur regla humano pa laga e refineria keda i matando nos yunan di tera i susha nos Pais pasombra partido di Sr. Asjes ta haña tur sorto yudansa  di mundu di PDVSA i nos Pais i nos pueblo tin ku muri dor di tur e gasnan venenoso ku tin por lo ménos 100 komponente kontra salu di nos hendenan ku nos sa ku por lo ménos 18 hende ta muri promé ku nan ora. Gobiernu Asjes no por habri su boka kontra PDVSA.

Si mira na e nòmbernan den tim negosiadó ku ta haña un honorario pa luna di 5000 i 10 000 florin di e pueblo aki , e negoshashon aki lo terminá den un walk over pa PDVSA, ko lo haña mas poder riba nos hende , i mi no ta papia mes di hendenan ku tin eksperensia ku Venesolano. Dios spar Korsou.

Un Minister di salubridat ta papia riba kosnan bou di laman i e hende nan riba tera e no sa mes ku nan ta eksistí. Dia nos no tabata sa e efektonan ku e situashon riba hende nos por komprondé, pero awor aki organisashon nan mundial  ta primi gobièrnu nan riba e hecho.

Un pregunta shonan: Pakiko ta na Korsou mester rafiná e krudo sushi di Venesuela/Russia i manda e porkaria nan ku ta sali for di e gasnan venenoso  riba nos grandinan, nos muchanan di skol i nos habitantenan.?

Pueblo di Korsou lanta Ariba i protesta pasombra nos a pasa aden 30 aña kaba ,  No bisa tin hopi hende ta traha na isla, pero aktividat di un grupo chikí no ta responsabel mas den mundu ku nos ta biba den aki,pasombra nos sushi ta afektá nos mes i otro nan ku no ta biba den e Pais aki.

Un konseho na tur ku ta lesa e artíkulo aki,ta e delaster chèns pa ku e refineria pa awor tuma e desishon pa sera e refineria na 2019, pa nos drecha nos pais i habri kaminda pa hopi hende traha den otro aktividat nan ku ta limpi pa futuro di nos yu’i i yunan.

FINALISA: KARA DI SENTRO DI NOS SUIDAT MESTER WORDU KAMBIA DEN UN SENTRO LIMPI I AGRADABEL KAMINDA HOPI DI NOS HENDENAN LO LABORA PA NAN PAN DI KADA DIA PA ANOS NAN NOS DILANTI.

Edgar Andres Leito, 16 òktober 2014

PDVSA/MADURO TA ABUZA DI KORSOW !!!!!!!  

Picture of me 1

Minister Presidènt Asjes mester lanta para riba su pia patras i defendé negoshinan i propiedat nan di e pueblo , meskos ku Presidente Maduro ta hasi na Venezuela pa su pueblo.

 

Presidente Maduro su polítika ta kibra tur kontrakt ku no ta na benefisio di su pueblo, i aki na Kòrsou Pdvsa /Maduro ta humiliá nos pueblo, i abuzá di nos propiedatnan pasombra nan ta poderoso.

 

Presidente Maduro ta midi ku dos midi, hanchu pe i smal pa nos, i Pdvsa kier trose Kòrsou saka tur djus for di dje i esnan responsabel ta para tira spich bati man pa un chipichipi pa aliviá sufrimentu na final di bida di nos hendenan.

 

Venezuela a sòru pa un liña di avion di Korsou a kibra , hopi di nos hende nan a pèrdè trabou, plaka di Inselair a keda pega na Venezuela hopi luna pone e kompania kore masha kabes di gai pa e haña su plaka.

 

Awor Presidente Maduro tin un problema ku Aruba, awor Presidente ta stòp e avion nan di Korsou pasa riba Venezuela, para tur tráfiko di avion ku masha Venesolano no por bai nan kas , pone ku Inselair atrobe ta den problema grandi pa un problema ku Venezuela tin ku Aruba.

 

Presidente Maduro tin problema ku Aruba/Hulanda, i Presidente ta bini baha su rabia riba Korsou ku no tin nada di hasi ku e problema.

 

Presidente Maduro no ta sera su pòmpnan na Merka, pero ta menasa nos aki si ku e ta para e plantanan. Presidente Maduro ta reklamá Merka e ta hasié meskos ku Korsou pasombra ta nos ta e palu mas delegá.

Unda nos Minister Presidènt Asjes a keda, pa munstra Presidente Maduro  ku nos no tin nada di hasi ku su problema ku Aruba.

 

Awor pueblo di Korsou ta mira ku nos ta bou di pia di Venezuela i nos no ta tende ni mira ningun furia di Minister nan ni di nos Parlamentario nan.

Un yamada ta bai pa Minister Presidente Asjes  meskos ku Presidente Maduro ta sali pa su pueblo, dor di kibra tur kontrakt ku no ta na benefisio di su pueblo, nos aki na Kòrsou mester hasi meskos pa nos pueblo, i nos lo no muri di hamber.

 

Edgar Leito, Eks Parlamentario, 25-7-2014, tel. 5231930.

 

 

 

Load more