glen-camelia.jpgXSenador Glenn Camelia ku ta parti di e Aliansa Patriótiko a sali ta hasi un seri di pregunta ku ta masha tendensioso. Glenn ta puntra kiko e Konsehero di Gobièrnu Sentral ta hasi den e Komishon di konsulta ku PDVSA ? E kontesta ta masha kla ! E kontrakt di e rafinaderia ta firma pa Gobièrnu Sentral i Gobièrnu Insular. Tur ruling fiskal, SVB,  Asuntunan Labor  tur ta kai bou di Gobièrnu Sentral i tabatin semper un interakshon Gobièrnu di Antia,Gobièrnu di Kòrsou ,Gobièrnu Hulandes i Shell. Tur e otro preguntanan ta tira den direkshon di Aliansa Patriótiko.

Senador Glenn ta bisa ku tin 1000 trahadó ta traha na Isla, 1000 trahadó indirekto, 400-1000 kontratista ku ta un kontribushon di mas o ménos 8%(BBP). Segun otro informashon e BBP ta 5%.
Pa komparashon Shell tabata paga na salario 148 mion, I 32 mion pa aña ku òf sin ganashi, kontribushon 30%BBP. Remarke e sifra nan ariba  uza pa Senador Glenn Camelia no ta proba.

Remarkabel ta ku ni Aliansa Patriótiko, ni Senador – ni Konsehalnan no a sali na defensa di henter e pueblo ku ta paga nan I mayoria ta papia di ekonomia sin ta proba i sin tene kuenta ku salu i molester di e pueblo.

Ta parse ku Senador Camelia no ta biba na Kòrsou i no a pasa banda di Wishi i Machena e dia nan aki ? Ta konosí ku 18 hende ta muri tur aña di e polushon i 20.000 tin molèster tur dia pero e sifranan aki ta parse  ku ni Gobièrnunan , ni e Representantenan di pueblo no ta un motibu pa preokupá pasombra nan tur stima PDVSA dje tantu ei ku nan no por sali na defensa di e pueblo.

E deal ku PDVSA kier yegá na dje awor aki ta mesun deal ku Shell kier a yegá na dje ku Kòrsou na aña 1985 ku no tabata  kumbiní Kòrsou i ta p’esei e deal ku PDVSA a sera ku Kòrsou na aña 1985, 1996, mester terminá na 2019 òf promé pa salu di pueblo.

Kòrsou no mester aseptá ku ta saka suafel for di suela di Venezuela i bin mata i molestiá nos hendenan aki na Kòrsou. Presidente Chavez  a bisa ku na 2012 no tin mester di Kòrsou, i nan a bisa ku nan no ta invertí den heru bieu ta kiko mas nos kier tende pa tuma un desishon firme pa salu di nos muchanan i nos hende grandinan.

Un konseho na senador Glenn Camelia sali na bienestar di tur esnan ménos privilegiá i no pa PDVSA.

Edgar Leito , 21 aprel 2008, www.gachitu.com.