Filed Under (Refineria) by Edgar on September-11-2008
Den e radio programa di djaluna 8 sèptèmber 2008 “Lanta Ariba” na Radio Krioyo tur atardi di seis or pa mitar di shete presidente di Sitek na un manera masha korekto a trese dilanti ku ta bon pa diskutí e problemátiko di Isla pa huntu mira kiko ta e benefishinan real di refineria Isla ku ta na benefisio di un I tur ku ta biba riba e pida baranka aki.
Pero si lesa korant Nobo di dia 10 di Sèptèmber 2008 ku ta bisa ku na opinion di Sitek « Bou di ningun sirkunstansia no mag sera e rafinaderia Isla « ta nifiká ku no tin mester di diskutí pasombra Sitek tin un posishon firme.
Fundashon Sjell ta di opinion si Kòrsou no eliminá e pipita di kanser aki ku yama Refineria Isla lo e mata e Pais ku nos tur ta stima I ku lo no tin desaroyo pa futuro di nos yunan. E Refineriafor di aña 1918 tabata un Bendishon pa Kòrsou pero awor e la bira un tragedia pa nos I si nos no kier kohe e toro na su kachu lo e perhudiká nos pa futuro.Read the rest of this entry
Filed Under (Refineria) by Edgar on August-30-2008
Na aña 1979 a surgi un situashon mes kos ku awor aki kaminda Gobièrnu di Kòrsou a preshoná Shell pa eliminá e polushon di e Rafinaderia i Shell a hañ’é pura ta invertí den diferente planta I chimenea riba e tereno, pero mirando e invershon grandi ku Shell mester a hasi pa redusí e polushon, i den kombinashon ku preis di krudo ku Venezuela no kier a baha , Shell a yega na e konklushon ta mehor sera e Rafinaderia, desmantela e instalashonnan, limpia e terenonan i entrega Kòrsou su terenonan limpi bek despues di 70 aña.
Nos gobièrnu ku bendishon di gremio komersial pa protehá nan interes nan a opta pa tene e Rafinaderia habri pa protehá kuponan di trabou, riba salubridat di nos pueblo, i a hür e instalashon ku PDVSA sin ningun klase di kondishon, i mara e pueblo aki na man i pia ku Pdvsa ku awor aki, despues di 23anja nos pueblo ta den un miseria ku te asta Venezuela a kuminsá yama Kòrsou un Pais yèn pobresa.
Te ainda nos Gobernante nan no ta komprondé kiko ta pasando, i nan ta defendé Venezuela . i nos pueblo mester keda sufri den e ambiente kontaminá ku sulfurá.
Awe despues di 23 aña no ta Gobièrnu ta pone preshon, pero e pueblo, pero pa rason nan personal Gobièrnu no ta bisa PDVSA ku nan mester eliminá e polushon, pero Gobièrnu ta tuma e problema di e polushon riba su lomba kaminda ta responsabilidat di PDVSA. Read the rest of this entry
Pa straño ku e ta parse riba Brionplein kaminda masha hopi hende grandi i chikí muher i hòmber tafrekuentá no tin un tualèt públiko. Taxisista nan ku ta para henter dia riba Brionplein no tin e fasilidat aki.
Durante wikènt ku a pasa un persona di edat a bai keiru na Brionplein banda di dies or di anochi, i e kier a bai tualèt i no por a haña unu.
E persona a disidí di bai na e snack riba Brionplein i e a puntra ku e por bai tualet, e sirbidor a kontesta ku nan no tin tualet pero e persona por bai Riffort of subway.
Riba un pregunta na e taxisista nan pa un tualèt e taxisista nan a bisa ku nan ta wardando riba e Diputado konserní pa mas ku 7 aña kaba sin ningun akshon.
Na e momentu nan aki e taxsista nan ta usa huki di e tribuna kontra muraya di waf komo tualèt, pasombra tin biaha den pura nan no por bai Rif ni subway.
Segun informashon e hende muhernan ta usa e espasio di outo nan ku ta parker komo tualèt
E situashon aki mester di akshon mas liber posibel di Bestuurscollege pa evitá bista mahos riba Brionplein.
Filed Under (Refineria) by Edgar on August-19-2008
Djaluna anochi 18-8-2008 pa seis or di atardi na Radio krioyo tabata tin un aglomerashon di un kantidat (40) di empleado nan ku ta traha na Refineria Isla dirigí pa nan lider para dilanti porta di e studio.
No ta konosí kiko tabata nan intenshon di e kantidat di persona nan aki pero nan a keda dilanti di e porta di e studio te na e momentu ku Gachi Leito I su Invitado a Sali for di e porta kaminda na ámbos banda di e porta di studio tabatin empleado nan stashoná.
Gachi Leito I invitado a kana bai nan outo kaminda tabatin un kantidat di por lo ménos 10 empleado para na banda di e outo di Gachi Leito.
Si ningun palabra Gachi a drenta su outo I bai su kas. E suseso aki ta demonstrá ku nos Pais ta drentando den un kaminda ku e pueblo en general lo no apresiá, i ta bon pa esnan responsabel pa e akshon nan aki reevaluá su akshonnan.
Movementu Solushon Isla a haña ku tabata un bon inisiativa di e trahadónan di Isla ku a reuní den klup di Shell pa organisá nan mes pa loke nan ta konstatá ku no tin klaridat riba e negosiashon ku ta tuma lugá na e momentuaki entre Gobièrnu i Pdvsa.
Movementu Solushon Isla ta sinti ku su kampana pa informá e pueblo di Kòrsou ta hañando su fruta ku ta e meta prinsipal di Movementu Solushon Isla.
No por keda sin menshoná ku den e prosesonan aki semper un hende tin ku haña e kulpa di loke ta pasando pero importante ta ku e pueblo ta lantando « Ariba » pa haña sa kiko e por spera pa futuro.
Manera MSI ta informá tur dia den programa na Radio Krioyo di seis or te mitar di shete tur dia di siman ku MSI ta habri pa tende tur hende su Pro i Kontra pa loke ta e manera ku e Refineria ta funshoná riba suela di Kòrsou.Read the rest of this entry
